Атыраудағы балабақша тәрбиешісінің үстінен іс қозғалды 

Атырауда балабақша тәрбиешісі кішкентай қызды итеріп жібергенде оның ерні төсектің жақтауына соғылды. Тәрбиешінің үстінен қылмыстық іс қозғалды.

Бұл туралы Atyrauoil telegram арнасы хабарлады.

Атырауда балабақша тәрбиешісіне қатысты қылмыстық іс қозғалды. Бейнежазбада тәрбиешінің кішкентай қызды күшпен итеріп жібергені анық көрінеді. Содан қыздың ерні төсек жақтауына соғылған.

Қыздың анасы оны тек бейнежазбаны көрген соң біліпті. Тәрбиешінің «қызың өзі жығылды» деген түсініктемесіне анасы сенбеді. Ата-анасы тез арада құқық қорғау органдарына жүгінді.

«Тәрбиешінің үстінен қылмыстық іс қозғалды және толыққанды тергеу басталды. Тергеу мүддесі үшін қосымша ақпарат жарияланбайды» деп хабарлады Атырау облыстық полиция басқармасы.