Атырауда жыл блогерін марапаттау рәсімі тоқтатылды

Атырауда жүзге жуық адам қатысқан шараны өткізгені үшін «Жыл блогері» рәсімін ұйымдастырушылар жазаланады, деп хабарлады ATPress.kz.

Мониторинг тобы санитарлық-эпидемиологиялық талаптардың бұзылғандығы туралы блогерлердің әлеуметтік желілердегі тікелей эфирінен білді.

Шара қызған кезде мейрамханаға мобильді топ келді. Кейін салтанатты тоқтата тұруға тура келді, қатысушыларды марапаттар мен дипломдарымен қоса көшеге шығарып тастады.

«Жыл блогері байқауын марапаттау салтанаты Sultan Hall мейрамханасында өтті. Біз мейрамхана иесімен түсіндірме әңгіме жүргіздік. Құқық бұзушылық туралы барлық материалдар ККБТУ бөліміне жіберіледі. Ұйымдастырушылардың тізімі құрылып жатыр», - деді мобильді топ өкілдерінің бірі Сәбит Сүлейменов.