Атырауда журналистке жеке кәсіпкерді бопсалады деген айып тағылды

Журналист компромат қарымтасы ретінде қорқытып, компаниядан 10 млн теңге  алған, деп хабарлайды Orda.kz.

Атырау полицейлері 36 жастағы әйелді ұстады. Тергеушілердің айтуынша, ол жеке кәсіпорын басшысынан 10 млн теңге талап еткен. Ол бейнеге түсірілген компромат материалдарын жарияламауға уәде беріп, ақша алған.

«Қаражаттың бір бөлігін - төрт миллион теңгені ол қаладағы қонақ үйлердің бірінде ұсталған делдал арқылы алған.

Оған қатысты Қылмыстық кодекстің 194-бабының 2-бөлігі бойынша (бірнеше рет алдын ала сөз байласқан адамдар тобымен күш қолданып қорқытып алу) сотқа дейінгі тергеу жүргізілуде.

 Журналистке үш жылдан жеті жылға дейінгі мерзімге бас бостандығын шектеу не мүлкі тәркіленіп, сол мерзімге бас бостандығынан айыру  жазасы қаупі төніп тұр. Қазір ол уақытша ұстау абақтысында.

2022 жылы журналист әрі  блогер Махамбет Әбжан 50 миллион теңге көлемінде ақша бопсалады деп айыпталып, қамалып кеткен болатын.