Атырауда зейнетақы жинақтары тіс емханалары арқылы қолма-қол ақшаға айналған

Атырауға еліміздің түрлі өңірлерінен Қаржылық мониторинг агенттігінің  қызметкерлері жиналды. Ауқымды операцияның басталу себебі бірыңғай жинақтаушы зейнетақы қоры  қаражатын жалған тіс емханаларының қызметі арқылы қолма-қол ақшаға айналдырылды деген күдікке қатысты, деп хабарлайды Orda.kz.

Orda.kz дереккөздерінің мәліметінше, тергеушілер қаладағы бірнеше ауданда тінту жүргізіп үлгерген. Күдіктілердің пәтерлері мен кеңселерінен қолма-қол ақша, қымбат көліктер мен заңсыз жымқыруға қатысы болуы мүмкін құжаттар табылған.

Қазіргі таңда шамамен оншақты адам ұсталған, алайда іс бойынша күдіктілер саны елу адамға дейін жетуі мүмкін. Бұл тек клиника басшылары ғана емес, сонымен қатар бухгалтерлер, делдалдар, агенттер мен қарапайым қызметкерлер де болуы ықтимал.

Құқық қорғау органдарының мәліметінше, азаматтардың зейнетақы жинақтары жалған стоматологиялық қызметтерге төленген. Алайда шын мәнінде ешқандай ем-дом жүргізілмеген, ал қаражат қолма-қол ақшаға айналдырылып,  қатысушылар арасында бөлініп отырған.

Жуырда «Отбасы банк» алаңдатарлық сандарды жариялады: 222 миллиард теңгеден астам қаражат 20 клиника арқылы шығарылған, оның жартысы Атырау қаласында тіркелген. Бұл өңірді осындай заңсыз сызбалардың өзінше бір «орталығына» айналдырып отыр.

«Бізде қазір БЖЗҚ жиналған қаражатты қолма-қол ақшаға айналдыру жүйелі сипатқа ие болып, тұтас бір секторды — стоматологиялық клиникаларды қамтығанын көріп отырмыз. Қазіргі басты міндетіміз — ұйымдастырушылардың әрекетін тоқтату және барлық қатысушыларды анықтау», — деді Orda.kz тілшісіне ҚМА-дағы дереккөз. 

Тергеу жалғасуда. Дереккөздердің айтуынша, бұл іс алдағы бірнеше күндн шешілуі мүмкін. Жаңа ұстаулар мен қосымша әшкереленулер күтілуде. 

Бұған дейін біз  дан 200 миллиард теңгенің шығарылып, стоматологиялық ем-домға жұмсалғаны туралы мәліметтер жариялаған едік.

 2023 жылы Қазақстанда азаматтардың 1,5 триллион теңге көлеміндегі зейнетақы жинақтарын тәркілеуге қарсы петиция жасалды.

Былтыр экономика сарапшылары Қасым-Жомарт Тоқаевқа мемлекеттік зейнетақы жүйесін жетілдіру бойынша ұсыныстарын жолдады.

Биыл  қазақстандықтардың зейнетақысымен «Самұрық-Қазына» мен «Бәйтерек» қаржыландырылатыны белгілі болды.