Атыраудағы мәдениет саласында миллиардтаған заң бұзушылықтар анықталды

Атырау облысында квазимемлекеттік секторға жүргізілген аудиттің қорытындысы бойынша бір миллиард теңгеден асатын 15 ведомстволық нысанда заң бұзушылықтар анықталды.

Комиссияның мәліметінше, 903 млн теңге нормадан тыс, 370 млн теңге тиімсіз игерілген.

Мәселен, 2 жыл бұрын облыстық филармония 130 млн теңгеге 20 мың кітап сатып алған. Оның үстіне әрбір көшірмесін өзінің нақты құнынан 2 есе қымбатқа сатып алынған. 860 млн түрлі мәдени іс-шараларды ұйымдастыру мен өткізуге кеткен.

Онда сатып алу бағасы көтеріліп, бюджет кодексі жүйелі түрде бұзылған.

– Тапсырыс беруші мен мердігер арасындағы шарттарда, сондай-ақ жыл басында бекітілген жоспарларда көрсетілген сомаларда айтарлықтай айырмашылық бар. Мәселен, осындай қателіктерге байланысты 2019 жылы Атырау облыстық әкімдігі шамамен 152 млн теңгені тиімсіз игерген, - дейді Атырау облысы бойынша тексеру комиссиясының мүшесі Нұрбол Қонысов.