Атырауда такси жүргізушілерін бопсалаған топ құрықталды

Атырау облысында 5 шілде спорттық орта өкілдері мен деструктивті діни ағымдарды ұстанушылардан тұратын ұйымдасқан қылмыстық топтың жолы кесілді.

Бұл туралы Orda.kz хабарлады.

Топ ұзақ уақыт Атырау-Орал-Атырау бағытында жүретін такси жүргізушілерін бопсалап жүрген, деп Ұлттық Қауіпсіздік Комитеті хабарлады. Олар жүргізушілерді соққыға жығып, ақшаларын тартып алумен айналысқан.

Топ 4 адамнан тұрған. Қылмыстық топтың қару-жарақтары мен оқ-дәрілері тәркіленген.

ҚР Қылмыстық кодексінің 194-бабының 2-бөлігі («Бопсалау») бойынша сотқа дейінгі тергеу басталды.

Бір адам тергеу изоляторына қамалды, қалғаны қолхатпен жіберілді.