Атырауда пышақ ұстаған әйел адамдарға тап берді

Атыраудағы қалалық базар маңында әйел қолына пышақ алып, жүргіншілерге шабуыл жасап, жүріп келе жатқан көлікке тап берді, деп хабарлайды Orda.kz тілшісі.

Атырау облыстық полиция департаменті оқиғаның 5 наурызда болғанын растады. Әйелдің жеке басы анықталды – оның жасы 59-да, жүйке жүйесі аурулары бойынша есепте тұр. Оқиға салдарынан ешкім зардап шеккен жоқ.

«Оның қамқоршысымен түсіндіру жұмыстары жүргізілді. Жиналған материалдардың барлығы қажетті шараларды қабылдау үшін жергілікті атқарушы органдарға жолданды», — деп хабарлады полиция.