Атырауда өзен жағасынан адам қалдықтары табылды

Атырау облысы, Махамбет ауданы, Сарайшық ауылында жағалауды бекіту жұмыстары кезінде 11 бас сүйек пен 26 адам мүшелерінің әртүрлі сүйектері табылды.

Табылған адам сүйегі дәстүр бойынша қайта жерленеді.

Сарайшық – Қазақстан аумағындағы ең көне ескерткіштердің бірі, оның мың жылдан астам тарихы бар. 

«Ежелгі Сарайшық қалашығы үшін адам сүйегінің табылуы жаңалық емес. Олар археологиялық қазбалар мен басқа да зерттеулер кезінде табылған. Бұл жолы оларды алдағы су тасқынынан сақтау мақсатында Жайық жағасында жүргізіліп жатқан ауқымды жұмыстар кезеңінде кездестірдік. Мен еріктілерді сабырлы болуға шақырамын. Біздің мамандар қажетті жұмыстарды жүргізеді. Барлық табылған сүйектер дәстүр бойынша қайта жерленеді» деді Әбілсейіт Мұхтар.

Атырау облыстық полиция департаменті бұған қатысты қылмыстық іс қозғамайтынын хабарлады.