Атырауда мұнай цистернасы жарылды

14 желтоқсанда Атырауда қаланың өндірістік аймағында теміржол цистернасын тазалау кезінде газ-ауа қоспасы  жарылып, артынша мұнай қалдықтары тұтанған.

Жарылыс цех құрылымдарының ішінара опырылуына да себеп болды. Көбікпен  өрт сөндіру жүйесі автоматты режимде іске қосылды.

«Оқиға орнына Атырау облысы Төтенше жағдайлар департаментінен 48 қызметкер мен бес техника, Апаттар медицинасы орталығынан үш қызметкер мен бір техника, «Семсер-Өрт сөндіруші» ЖШС-нен бес қызметкер мен бір техника жіберілді» деп хабарлады Атырау облысы бойынша ТЖД баспасөз қызметі.

Оқиға салдарынан ешкім зардап шеккен жоқ.