Атырауда магистралды су құбырына 4 млрд теңге жұмсалмақ

Атырау облысындағы магистралды су құбыры құрылысына 4 млрд теңге жұмсалмақ. Бұл туралы ақпарат Мемлекетік сатып алу порталында жарияланды.

• Тапсырыс беруші - ҚР экология, геология және табиғи ресурстар министрлігінің «Су ресурстары комитеті республикалық мемлекеттік мекемесі»; 
• Атауы-сумен жабдықтау объектілерінің/жүйелерінің/желілерінің, су құбыры желілерінің құрылысы бойынша жұмыстар;
• Қосымша сипаттамасы - Атырау облысы Қызылқоға ауданы Тайсойған – Миялы магистральдық су құбырының құрылысы;
• Жоспарланған қаржы - Т4 006 660 100

Конкурсқа қатысуға өтінімдерді алдын ала қабылдау 29 шілде мен 13 тамыз аралығында өтеді.

«Құрылыс нысанының мақсаты - Миялы және Жангелді ауылдары тұрғындарын шаруашылық-ауыз сумен үздіксіз қамтамасыз ету» делінген техникалық ерекшелік сипаттамасында.

Дереккөз: КазТАГ