Атырауда кітапхана ғимараты қирайын деп тұр

Атырау облысы Құрманғазы ауданына қарасты Әліпов ауылындағы кітапхана ғимараты құлауға аз қалып тұр.

Бұл туралы Orda.kz Ақ Жайық сайтына сілтеме жасап хабарлады.

40 жыл бұрын бой көтерген кітапхана ғимараты осы күнге дейін түрлі мақсаттарда қолданылып келген. Қазіргі кезде бұл ауыл кітапханасы. Ғимарат апатты деп танылса да, жергілікті билік оны жабуға асығар емес.

– 1998 жылы мәдени орталықтарды жаппай жаба бастаған кезде біздің кітапхана да жабылып қалды. 2008 жылы қайта аштық. Алайда, ғимарат апатты болғандықтан бізге не газ, не электр тасымалдаушылар қызмет көрсетпейді, - дейді кітапханашы Қымбат Зинуллина.

257 оқырманы мен 6438 кітап қоры бар кітапхана шатыры шұрық тесік, жаңбыр жауса төбеден су ақса да, жұмыс істеп тұр. Қызметшілер кітап қорын сақтап қалу үшін арасында оларды үйлеріне тасиды екен.