Атырауда әкесі туған қызын бір жыл бойы зорлап келген

Атырауда ер азамат өз қызын бір жыл бойы зорлап келген. Оны 15 жылға бас бостандығынан айырды.

«Мой город» басылымының ақпаратына сәйкес, бүгін мамандандырылған ауданаралық қылмыстық сот педофилге қатысты үкім шығарған. Ол сондай-ақ үйде оқ-дәрілерді заңсыз сақтаған.

«Сотталушының кінәсі куәгерлердің, жәбірленушінің айғақтарымен, сараптама нәтижелерімен және бейнежазбалармен толық дәлелденді» делінген облыстық соттың баспасөз-қызметі таратқан хабарламада.

Сот үкімімен ер адам ҚР ҚК-нің 124-бабы «жас балаларды азғыру» және ҚР ҚК-нің 287-бабы «Қаруды, оқ-дәрілерді, жарылғыш заттарды заңсыз сатып алу, беру, өткізу, сақтау, тасымалдау немесе алып жүру» бойынша қылмыс жасағаны үшін кінәлі деп танылды.

Ол қатаң режимдегі колонияда жазасын өтеу үшін 15 жылға бас бостандығынан айырылды. Сондай-ақ, оған өмір бойы педагогикалық лауазымдарды атқаруға және кәмелетке толмағандармен жұмыс істеуге тыйым салынады.