Атырауда көшедегі дәретханадан жаңа туған бала табылды

Атырауда көшедегі дәретханадан жаңа туған бала табылды,

Бұл туралы Orda.kz ATPress.kz-ке сілтеме жасап хабарлайды.

Атырау облысы полиция департаментінің баспасөз қызметі бала туып, көшедегі дәретханаға тастап кеткен әйелдің кім екені анықталғанын хабарлады.

– Сотқа дейінгі тергеу басталды. Қалған ақпарат Қылмыстық іс жүргізу кодексінің 201-бабына сәйкес жария етілмейді, - делінген хабарламада.

Облыстық денсаулық сақтау басқармасының баспасөз қызметі хабарлағандай, нәресте тірі.

– Бала Индер аудандық ауруханасындағы перзентханаға жатқызылды, жынысы – ер. Анасы 1990 жылы туған, Индер ауданының тұрғыны, ауруханаға жатқызылды, - делінген департаментте.