Атырауда ер адам никаб киген қызды оңдырмай соққыға жықты

Атырауда көпқабатты үйдің кіреберісінде ер адам никаб киген қызды аяусыз ұрып-соқты, деп хабарлайды Orda.kz.

Оқиға бейнебақылау камерасына түсіп қалған. Жазбада ер адамның қыздың басынан бірнеше рет қатты ұрғаны, соққыдан кейін оның жерге құлағаны көрінеді. Алайда шабуылдаған адам бұдан кейін де тоқтамай, жерде жатқан қызды ұра береді. Осыдан кейін ол кіреберістен шығып кеткен.

Қыздың кім екені мен жағдайы анықталып жатыр. Құқық қорғау органдары әзірге түсініктеме берген жоқ.

Еске сала кетейік, Атырау тұрғыны 30 мың теңге қарызы үшін бұрынғы танысынан оңбай таяқ жеп,  ауыр халде жансақтау бөліміне жеткізілген еді.