Атырауда ер адам ата-анасын өлтіріп, артынша өз-өзіне қол салды

Атырауда ер адам ата-анасын өлтіріп, артынша өзіне-өзі қол салды, деп хабарлайды Orda.kz.

Атырау облыстық полиция департаменті кісі өлтіру фактісі бойынша қылмыстық іс қозғады.

«25 жастағы ер адам 65 және 58 жастағы ата-анасын өлтіріп, кейіннен өзі де өмірмен қоштасқан. Қазіргі уақытта оқиғаның барлық мән-жайын анықтау мақсатында жедел-тергеу шаралары жүргізіліп жатыр. Тергеу мүддесі үшін өзге ақпарат жарияланбайды»,  деп мәлімдеді баспасөз қызметі. 

Ер адамның психдиспансерде есепте тұрмағаны атап көрсетілді.