Атырауда екі  адам  тірідей орға көмілді

Қайғылы оқиға 18 маусым күні  Атырау қаласының іргесіндегі «Жұлдыз» шағын ауданында болған.

Трактор үйдің алдынан ор қазып жатқанда, су құбыры істен шыққан. Оны екі адам жөндеп, іске қоспақшы болды.  

Orda.kz тілшісінің хабарлауынша, 32 және 22 жастағы екі көрші ақауды орнына келтірмек ниетпен бүлінген су құбырын трактормен жөндемек болған кезде қазылған ор ішінде қалып, қаза тапқан.

Олар құдыққа түсіп, құбырды жөндей бастаған кезде жер опырылып, олардың үстін топырақ басып қалған. Екеуі де тірідей қазылған орға көміліп қалып, шыға алмаған. Олардың мәйіттері шұңқырдан шығарылды, бүгін екі отбасы бірдей азаматтарынан айрылып, аза тұтуда.

«Аталған факті бойынша тергеу амалдары жүргізілуде» деп хабарлады Атырау облысы ПД баспасөз қызметі.

Құқық қорғау органдары тергеу жұмыстарын бастады.

Даниэль  Артуров