Атырауда директор мен есепші 80 млн теңгеге жуық ақша жымқырды

Атырауда арнаулы орталықтың есепшісі мен директоры 79 млн теңге жымқырған, деп хабарлайды Orda.kz. 

Атырау облыстық сотының хабарлауынша, Арнаулы әлеуметтік қызмет көрсету орталығының бас есепшісі 2021-2022 жылдары уақытша мекеме директоры міндетін атқарған кезінде өзінің және таныстарының банк есепшотына 73 млн теңге аударып, иемденіп кеткен. Ал, екінші сотталушы 2022-2024 жылдары орталықты басқарған кезінде 6 млн-нан астам қаржы жымқырған. 

Есепші шығынның бір бөлігін өтеген. Ал директор барлық ақшаны қайтарды. 

Сот есепшіге 7 жыл, директорға 3 жыл 6 ай мерзімге бас бостандығынан айыру жазасын тағайындады.