Атырауда денсаулық сақтау басқармасы басшысының орынбасары ұсталды

Атырау облысында денсаулық сақтау басқармасы басшысының орынбасары, 30 жастағы Нұрқуат Нудин ұсталды, деп хабарлайды «Ақ Жайық».

Ведомство бұл фактіні растап, аталған оқиғаның оның облыстық денсаулық сақтау басқармасындағы қазіргі жұмысына қатысы жоқтығын атап өтті.

Экономикалық тергеу департаменті әзірге ешқандай ақпарат бере алмайтындарын жеткізді.

Тергеу Қылмыстық кодекстің 189-бабы «Сеніп тапсырылған бөтеннің мүлкін иемдену немесе жымқыру» бойынша жүргізіліп жатқаны белгілі. А.Ж.-ның хабарлауынша, Нудинге пайдалануға берілмеген әлеуметтік маңызы бар нысандарда атқарылған жұмыстардың актілеріне қол қою жүктелген.

Нудин 2021 жылдың сәуірінде Денсаулық сақтау басқармасы басшысының орынбасары болып тағайындалды және қаржылық мәселелерге жетекшілік етті. 2019 жылдың сәуірінен 2021 жылдың наурызына дейін облыстық құрылыс басқармасы басшысының орынбасары қызметін атқарды.