Атырауда блогер ұсталды

Атырауда бопсалау, жымқыру және ұрлық жасады деген күдікпен блогер ұсталды.

Блогер Атырау супермаркеттерінің бірінде заңбұзушылықтарды анықтап, бұған көз жұму үшін басшылықтан екі миллион теңге талап еткен.

Дүкен иесі келісіп, бірден арыз жазды. Блогер ұсталып, оның үстінен 194-бап (Бопсалау) бойынша қылмыстық іс қозғалды.

Бұған дейін сол супермаркетте жас жігіт қауіпсіздікті тексеру үшін виски мен «тіске басар» ұрламақ болған. 187-бап (Ұсақ ұрлық) бойынша қылмыстық іс қозғалды.

Сонымен қатар дәл осы блогер сот залына кіріп суретке түседі, осы кезде мемлекеттік қызметкердің қалтасынан 20 мың теңге жоғалып кеткендіктен қосымша 188-бап (Ұрлық) бойынша қылмыстық іс қозғалды.

Қазір 15 мың жазылушысы бар контентмейкер уақытша ұстау изоляторында отыр. Сотқа дейінгі тергеу жалғасуда.