Атырауда бюджет қаражатын жымқыру бойынша тергеу басталды

«Атырау қаласында тоғыз субұрқақ салу» жобасының тапсырысшысы - қалалық құрылыс бөлімі, мердігер - «Еңбек» РМК.

Бұл туралы Orda.kz Сaspianlife.kz-ке сілтеме жасап хабарлады.

Жоба 2018 жылы жасалып, 2019 жылдың 23 мамырында құрылыс жұмыстарына келісімшартқа қол қойылды. Жоба бойынша субұрқақтар келесі жерлерде салынуы керек:

• Құнанбаев көшесі (Балықшы ықшамауданы);
• Арбат. Құрманғазы;
• К. Смағұлов саябағы;
• Құрманғазы атындағы мәдениет сарайы ғимаратының алдында;
• Авангард ықшам ауданы - Жеңіс саябағы;
• Сәтбаев көшесі Нұрпейісов атындағы Музыка академиясы ғимаратының алдында.

– Мердігерге қатысты 2020 жылдың мамырында сыбайлас жемқорлыққа қарсы қызмет бюджеттік қаражатты ұрлау фактісі бойынша сотқа дейінгі тергеуді бастағанына байланысты, құрылыс тоқтатылды, - делінген жарияланған хабарламада.

Шарттың жалпы сомасы 1 092 482 277,60 (1 092 млн 482 мың) құрайды. Орындалған жұмыс актісіне сәйкес мердігерге 2019 жылы 816 млн 070 мың теңге аударылды. Бүгінгі күні ақаулық актісі жасалуда, оның негізінде техникалық зерттеу жүргізіледі.

Қорытынды алғаннан кейін құрылысты жалғастыру үшін жобалық құжаттама жасалады. Мердігер мемлекеттік сатып алу конкурсы арқылы орындалмаған жұмыстардың құнына сәйкес анықталады. Субұрқақтарды қалпына келтіру келісімшарттың қалған сомасына техникалық байқаудан өткеннен кейін аяқталады.