Атырауда бес жасар егіздер терезеден құлап кетті

Бес жасар егіз қыздар Атыраудың үшінші қабатындағы терезеден құлап, қазір жансақтау бөлімінде жатыр.

«27 маусым күні сағат 22.10-да Атырау облысы полиция департаментінің жедел кезекшісінен Нұрсая шағын ауданында балалардың үлкендердің қарауынсыз қалғаны (анасы көрші бөлмеде болған) туралы хабарлама келіп түсті. Терезе торына сүйеніп тұрған 2017 жылы туған екі егіз қыз 3-қабаттағы пәтердің терезесінен құлап, ауыр жарақатпен облыстық балалар ауруханасының жансақтау бөліміне жатқызылды» деп хабарлады ТЖД.

ТЖД ата-аналардан мұндай қайғылы жағдайларды жиі тудыратын шыбын-шіркей өткізбейтін торларға ғана емес, сонымен қатар терезелердің жанындағы жиһаздарға да назар аударуды сұрайды.