Атырауда бастығынан қысым көрген жұмыскер өз ішін тілген

Атырау мұнай өңдеу зауытының (АМӨЗ) қызметкері бастығының қысымына шыдамай,  ішін тіліп тастаған, деп хабарлайды Orda.kz.

АМӨЗ хабарлауынша, қаңтар айында жөндеу-механикалық цехында жылу оқшаулау тобы құрылды. РМО тобының бастықтары цехтың қолданыстағы бригадаларынан оқшаулағыштардың жаңа бригадасын құру мақсатында жұмысшылар тізімін жасады. 4 санаттағы темір шебері Нұрлыбек Адайбаевтың тәжірибесі болғандықтан, ол осы тізімге қосылды.

«Бірақ 3 ақпан күні ол бригадада жұмыс істеуден бас тартты. РМО бастығы жұмысшыны бұрынғы бригадасына қайтармақшы болды, бірақ ол жылу оқшаулағыштар бригадасында жұмыс істеуден бас тартқанын айтты. Соған қарамастан, шебер тікелей басшының шешіміне наразылық білдіріп, өзін зиян келтіруге тырысты»,  деп мәлімдеді АМӨЗ баспасөз хатшысы. 

Қазір жұмысшының денсаулығына ешқандай қауіп жоқ. Осы оқиғадан кейін онымен профилактикалық жұмыс жүргізілді, әрі болған жағдай қызметкердің жұмыстан қуылыуына себеп болмайды.

Ал Атырау облысының полиция департаментінде бұл факт бойынша, қылмыстық іс тіркелген. Олардың хабарлауынша, қазіргі уақытта тексеру іс-шаралары жүргізіліп жатыр.