Атырауда атыс салдарынан үш адам мерт болып, бір адам жараланды

Атырауда атыс салдарынан 3 адам қаза тауып, 1 адам жарақат алған.

Белгісіз адам Калашников автоматынан оқ жаудырған.

«15 наурыз күні сағат 22:00-де Атыраудағы «Авангард» терминалы аялдамасында атыс болды. Шабуылшы Калашников автоматынан екі жігітті атып, үшіншісін ауыр жаралады. Қала маңындағы Еркінқала ауылының 27 және 22 жастағы тұрғындары оқиға орнында көз жұмды, олардың 26 ​​жастағы ауылдасы басындағы оқ жарақатымен облыстық аурухананың жансақтау бөліміне жеткізілді. Көп ұзамай оқиға орнынан оқ жарақаты бар тағы бір мәйіт табылды» делінген хабарламада.

Оқ атқан адам оқиға орнынан қашып кеткен.

Оқиға орнында Атырау облысы ІІД жедел-тергеу тобы жұмыс істеп жатыр. Болжам бойынша, атыс қаладағы клубтардың біріндегі төбелестен шыққан.

Күдікті ұсталған.

«Қылмыс жасады деген күдікпен 1993 жылы туған Маңғыстау облысының тумасы анықталып, ұсталды. Ол уақытша ұстау изоляторына қамалды. Оқиға жеке келіспеушілік салдарынан орын алған» деп хабарлады Маңғыстау облыстық полиция департаментінің баспасөз қызметі.

ҚР Қылмыстық кодексінің 99-бабының 2-бөлігі (кісі өлтіру) бойынша сотқа дейінгі тергеу амалдары жүргізілуде.