Атырауда 69 жеке сот орындаушысы тәртіптік жауапкершілікке тартылды

Атырауда алимент бойынша борышы бар азаматтардың құмар ойындарға қолжетімділігі шектелді, деп хабарлайды Orda.kz.

Талдау барысында соңғы төрт жылда құмар ойындарға 800 млн теңгеден астам ақша аударған 326 борышкер анықталды. Қазақстан Бас прокуратурасының мәліметінше, 45 борышкерге құмар ойын сайттарына кіруге шектеулер қойылды.

Сонымен қатар, 11 борышкерге қатысты алимент төлеуден жалтару фактісі бойынша сотқа дейінгі іс жүргізу басталды, 14 борышкер әкімшілік жауапкершілікке тартылды.

Сондай-ақ, борышкерлерден бөлек әрекетсіздік көрсеткені үшін 69 жеке сот орындаушысы тәртіптік жауапкершілікке тартылды және 2 жеке сот орындаушысы қызметтерін жүзеге асыратын лицензияларынан айырылды.