Атырауда 21 жастағы бойжеткен танысынан ақша бопсалады

Атырауда 21 жастағы қыз 18 жастағы жігіттен ақша бопсалады.

Бұл туралы Orda.kz Ішкі істер министрлігінің ресми сайтына сілтеме жасап хабарлады.

Бойжеткен бұған дейін жігіттен 2 млн теңге алған, кейін тағы 1,5 млн теңге талап еткен.

Жігіт амалсыздан полициядан көмек сұрады.

Оның айтуынша, қыз жігітті «сен мені зорладың деп арыз түсіремін» деп бопсалаған. Бірақ жігіт жақын қарым-қатынас екі жақтың келісімі бойынша болған деп мәлімдейді. Олар тіпті бірге бір жерде жұмыс істейді. Жігіттің айтуынша, ол қызбен жақсы таныс, тіпті оны ата-анасымен де таныстырған.

Қазіргі уақытта 21 жастағы қызға қатысты ҚР Қылмыстық кодексінің 194-бабы 1-бөлігі бойынша сотқа дейінгі тергеу амалдары жүргізілуде.