Атырауда 11 жастағы бала лифт шахтасына құлап кетті

Атырау қаласындағы көпқабатты үйлердің бірінде 11 жастағы бала велосипедпен лифтіге кірмек болғанда, шахтаға құлап кетті, деп хабарлайды Orda.kz.

Куәгерлердің айтуынша, оқиға бала лифтке кіргелі жатқанда болған. Велосипедпен келе жатқан сәтінде лифт есігі автоматты түрде жабылып, баланың өзі сыртта қалып қойған. Велосипедтің бір бөлігі есік пен кабина арасына қысылып қалған. Лифт жоғары көтеріле бастағанда, бала велосипедті жібере алмай, шахтаға құлап кеткен.

Қазір бұл оқиғаға байланысты тексеріс басталды.

Еске сала кетейік, бұған дейін Астанада жасөспірім лифт ішінде бес жасар баланың бетін пышақпен тілген еді. Кейінірек оның шизофрения дертімен ауыратыны және есепте тұрғаны белгілі болды.