Атырауда 10 айлық бала салғырттық салдарынан ажал құшты
Фото: freepik.com
Атырауда 10 айлық бала қайтыс болды. Баланың өліміне анасы дәрігерлерді кінәлайды. Ал дәрігерлер анасын кінәлап отыр, деп хабарлайды Orda.kz Halyqstan-ға сілтеме жасап.
Марқұм сәбидің анасы бәрі қызу көтерілуден басталғанын айтты. Учаскелік дәрігер шақыртуға келмеген көрінеді. Келесі күні баланың жағдайына алаңдаған анасы, өзі облыстық жұқпалы аурулар ауруханасына барады. Баланың температурасы 38,9 градусқа дейін көтерілген екен. Алайда дәрігер қызу көтерілуін қалыпты жағдайға балап, облыстық балалар ауруханасына баруға кеңес берген. Облыстық ауруханадағы дәрігерлер баланың жағдайы ауыр екенін айтқан.
«Олар саусағынан қан алып жатқанда, балам үн-түнсіз жатты. Дәрігерлер маған баланың жағдайы ауыр екенін және оны жұқпалы аурулар ауруханасына апару керектігін айтты», - дейді марқұмның анасы.
Ауруханалар арасында бес сағат жүрген анасы баласынан айырылып қалды. Ал облыстық денсаулық сақтау басқармасының қызметкерлері жағдайды жоққа шығарды.
«Қабылдау бөліміндегі кезекші дәрігер баланы қарап, ауруханаға жатқызуды ұсынды. Алайда баланың анасы бас тартты. Сондай-ақ, оған Атырау облыстық балалар ауруханасының хирургынан кеңес алу ұсынылды. Тексеру кезінде балада температураның 39°C дейін көтерілуі, құсу және мазасыздық туралы шағымдар болды. Баланы Атырау облыстық балалар ауруханасында хирург және педиатр қарады. Рентгендік тексеруден кейін ол №2 облыстық ауруханаға қайта жіберілді. Бала сол күні, 6 желтоқсанда сағат 18:10-да ауыр жағдайда қайта қабылданды. Қабылдау бөлімінде оны кезекші реаниматолог дереу тексеріп, алғашқы көмек көрсетіліп, бала тікелей реанимация бөліміне жіберілді. Реанимация бөлімінде баланың жүрегі бірнеше рет тоқтады. Бала 7 желтоқсанда сағат 00:20 - да қайтыс болды» делінген облыстық денсаулық сақтау басқармасының хабарламасында.
Бала қайтыс болғаннан кейін анасы дәрігерлерді немқұрайлылық танытты деп айыптады, ал дәрігерлер ананың өзі баланы кеш алып келгенін айтады. Қазіргі уақытта қызметтік тексеру басталды.
Жаңалықтар
- Almaty Half Marathon-на әлемнің 44 елінен 10 000-нан астам адам қатысты
- Қазақстандық спортшылардың осы аптадағы жетістіктері
- Астананың көлік жүргізушілері эвакуатор шақыру мен арнайы тұрақ ақысын өздері төлейтін болды
- Иран СІМ: Еуроодақтың өзі АҚШ пен Израильдің әскери қылмыстарын қолдап отыр
- Атырауда бөтен құжатпен 19 несие алған адам сотталды
- Солтүстік Қазақстанда 7,7 гектар орман алқабы өртенді
- Алматыда жол бойында өсіп тұрған ағаш автокөліктің үстіне құлады
- Сарбаздар мен әскери қызметшілерге телефон қолдануға рұқсат берілді
- Маңғыстауда жауған нөсер мен дауылдан жүздеген жылқы қырылды, ұсақ мал да бар
- КХДР Жапон теңізі бағытына бірнеше баллистикалық зымыран ұшырды — БАҚ
- Украина Назарбаевқа арналған барельефті алып тастамайтын болды
- Қазақстан премьер-лигасы матчында «Қайрат» өз алаңында «Каспийді» жеңді
- Киев көшесінде өтіп бара жатқан адамдарға оқ жаудырған кісі алты адамды жер жастандырды
- Алматының әл-Фараби даңғылында көлік жарысы тоқтар емес
- Украина Ресейдің мұнай инфрақұрылымына ауқымды соққы жасады
- Сот Қашаған операторларының ірі көлемдегі айыппұлға қатысты апелляциясын қанағаттандырмады
- Иран Ормуз бұғазының қайта жабылғанын мәлімдеді
- Шымкентте ЖОО-ның 320 миллионын жымқырған сегіз адам сотталды
- Алаяқтар қасиетті сапарға да қол сұғып, 17 қажының ақшасын қалтаға басқан
- «Әскер барысы – 2026» турнирінің жеңімпазы анықталды
