Атырау үлкен су тасқынына дайындалып жатыр

Атырау облысы және оған қарасты 51 елді мекені үлкен су тасқынына дайындалып жатыр, деп хабарлайды Orda.kz.

«Қазгидромет» РМК Атырау филиалының директоры Салауат Төленовтің сөзінше, судың басым көпшілігі Ресей Федерациясынан келуі бек мүмкін.

«Облыс аумағында Қазгидрометтің 12 гидростанциясы орналасқан. Мұнда күніне 2 рет су деңгейі, мұз жағдайы, температура өлшенсе, айына 3 рет су шығыны мен стандартты тексерулер жүргізіледі. Бүгіні деректерге сүйенсек, облыстық барлық су объектілерінде гидрологиялық жағдай мен мұздың қалыптасуы тұрақты. Өзендердің де деңгейі қысқы кезеңге сай. Ірікті су қоймасынан су ағызу секундына 60 текше метр. Өткен жылы бұл 25 текше метр болған. Кеше Ірікті су қоймасының көлемі 2,624 млн текше метр, судың келуі-19,1 текше метр/сек», – деді Салауат Төленов.

Облыс әкімі Серік Шәпкеновтің сөзінше, сынай бермей, келетін судың да көлеміне қарау керек. Былтыр су белгіленген жерлерге ғана емес, одан әрі асып, қаншама қауіп төндірді. Сондықтан келетін су көлемін бақылап отыру үшін Ақтөбе және Батыс Қазақстан облыстарында су басу қаупі бар 51 елді мекенінде маусымдық гидропост орнату керек.

Бұдан басқа, «Қазгидрометке» гидрологиялық жағдай бойынша шекара маңындағы мамандармен жедел деректер алмасуға көшу қажет. Өздеріңіз көргендей, су тасқыны екі жыл қатарынан болуы мүмкін, сондықтан дайындық пен уақтылы ақпараттандыру аса маңызды», – дейді облыс әкімі.

Атырау облысы ТЖД бастығы Нұрлан Жаңабаевтың айтуынша, өңірде су құбырларын тазарту, бөгеттер мен қорғаныс құрылыстарын нығайту жұмыстары жүргізіліп жатыр. Өткен жылы 590 шқ бөгет салынды, 20 шқ канал қазылды, республикалық және облыстық маңызы бар жолдарда сегіз су өткізу құрылысы жүргізілді. Өзендерде 7 шқ жағалау аумағы, 121 шқ жерді тереңдету жұмыстары және 90 шқ жағалау аймағы нығайтылып, тазаланды.