Атырау тұрғындары бөгет салу үшін аулаларын бұзуға рұқсат бермеді

Қала билігі бөгет салу үшін 29 үйдің ауласын бұзбақ болған.

Бұл туралы АқЖайық хабарлайды.

Мәлім болғандай, әңгіме шағын аудандағы өзенге жақын орналасқан М.Хәлелов көшесіндегі үйлерге қатысты.  Соған қарамастан, тұрғындар өз мүлкін қорғау үшін бас көтерді. Әкімдік өз шешімін қайта қарауға мәжбүр болды.

«Қала әкімінің шешімімен тұрғын үйлердің алдындағы жолдың үстіне қорғаныс бөгеттері орнатылады. М.Хәлелов көшесінің тұрғындары бұл шешіммен толық келіскен. Қазір олар өз күштерімен қорғаныс бөгеттерін салып жатыр. Тұрғын үй секторындағы жағалауды күзету жұмыстарын жүргізу үшін әкімдік қажетті құрылыс материалдары мен күштерін бөледі» деп хабарлады төтенше жағдайлар жөніндегі штаб.