Атырау сібір жарасының өршуіне байланысты карантинге жабыла ма?

Бүгінге дейін Атырауда сібір жарасынан үш сиыр өліп, осы малмен байланыста болған екі адамның ауру жұқтырғаны тіркелді, деп хабарлайды Orda.kz.

Атырау облысы әкімінің орынбасары Жасұлан Бисембиевтің айтуынша, әзірге қаланы карантинге жабуға негіз жоқ.

«Қазіргі жағдайға  мен ветеринарлық қызметке қатысты заңды зерттедім, олар қаланы сібір жарасына байланысты карантинге жабу керектігін айтпайды. Бұл ережеде де көрсетілмеген. Сондықтан әзірге қаланы карантиндік режимге енгізуге негіз жоқ», - деді Ж.Бисембиев.

Қазіргі уақытта мал өлген қасапхана желтоқсан айының ортасына дейін карантинге жабылды. Мал мен ет өнімдерін рұқсатсыз әкетуге тыйым салынды. Мамандар сібір жарасы адамнан адамға жұқпайтынын атап өтті. Тек ауру жануарлар ғана қауіпті.