«Атырау-Орал» тас жолы тасқын суды өткізу үшін қазылды

Жедел штаб облыс орталықтары арасындағы баламалы бағыттарды атады, деп хабарлайды Orda.kz.

Махамбет ауданына қарасты ауылдарды су тасқынынан қорғау үшін Атырау-Орал тас жолын кесіп өтетін саңылау жасауға тура келді. Осыған орай Сарайшық ауылының маңындағы жолдың 44-ші шақырымында ор қазылған.

Облыс орталықтары арасында жүру үшін жедел штаб айналма жолдарды пайдалануды ұсынады:

• Исатай ауданындағы  Х.Ерғалиев ауылы арқылы Махамбет ауданына және одан әрі Атырау-Орал тас жолына шығуға болады.

• Атырау-Индер облыстық автожолы бойымен Махамбет ауданы, Ортақшыл ауылының жанындағы көпір арқылы Атырау-Орал тас жолына дейін жетуге болады.

• Махамбет ауданынан Атырауға және кері қарай Атырау-Индер тас жолы арқылы Ортақшыл ауылының жанындағы көпір арқылы жүруге болады.

Еске сала кетейік, бұған дейін Orda.kz Сарайшықтағы зират тасқын суға бата бастағанын хабарлаған болатын.