Атырау облысының әкімі Бақытгүл Хаменованың ұсталуына қатысты пікір білдірді

Атырау облысының әкімі Махамбет Досмұхамбетов орынбасары Бақытгүл Хаменевамен ол қамауға алынғаннан кейін сөйлеспегенін айтты.

Досмұхамбетов орынбасарының кінәсіне сене ме деген сұраққа нақты жауап бере алмады.

– Мен тергеу жүріп жатқан кезде иә не жоқ деп айта алмаймын. Әрине, бұл менің көңіліме тиді. Хаменеваның орнында әлі ешкім жоқ. Өйткені ол 10 желтоқсанда қамауға алынды, тергеу жүріп жатыр. Оның кінәсі бар ма, жоқ па, сонда белгілі болады, - деді әкім үкімет отырысында.

Әзірге Хаменованың міндеттерін басқа әкім орынбасарлары өзара бөліп алған.

Еске салсақ, 10 желтоқсан әкімнің орынбасары пара алды деген күдікке ілінген.

Неге Хаменеваның ұсталуы желіде резонанс тудырды деген сұраққа Досмұхамбетов «халық жемқорлыққа қарсы, кімнің ұсталғаны маңызды емес» деп жауап берді.

Айта кетсек, Бақытгүл Хаменовадан бөлек облыс әкімінің тағы екі орынбасары да тергеуге алынды. Нұрлан Таубаев коронавируспен ауыратын науқастарға арналған модульдік аурухананың құрылысына мердігерден пара алды деген күдікпен ұсталды. Қайрат Нұрлыбаев субсидияны заңсыз бөлді деген күдікке ілінді.

Журналистер облыс басшысының үш орынбасарының ұсталуы өңірде сыбайлас жемқорлықтың жоғары екенін көрсете ме деген сұраққа:

– Менің екі орынбасарым ғана. Нұрлан Таубаев қызметінен кетті. Мен сыбайлас жемқорлық құрамдас бөлігінің дәрежесін талдай алмаймын. Уәкілетті органдар бар. Менің олармен еш араздығым жоқ, - деп жауап берді әкім.

Досмұхамбетов сот кінәлі деген үкім шығарса, қызметінен кететінін де растады.