Атырау облысындағы ауруханада жүкті әйел қайтыс болды

Атырау облысында 29 жастағы жүкті әйел аудандық ауруханада көз жұмды.

Бұл туралы Orda.kz хабарлайды.

Ол жүктіліктің 36 аптасында еді. Тұмаумен ауруханаға түскен әйел келесі күні әйел қайтыс болды.

«6 желтоқсанда Махамбет ауданында 29 жастағы жүкті әйелдің өлімі тіркелді. Қазір оқиғаның себептері мен мән-жайы анықталуда. Егжей-тегжейлі ақпарат сараптама қорытындысы шыққаннан кейін беріледі» деп хабарлады Атырау облыстық денсаулық сақтау басқармасының баспасөз қызметі.

Атырау облыстық полиция департаментінің мәліметінше, «Медицина қызметкерінің кәсіби міндеттерін тиісінше орындамауы» бабы бойынша сотқа дейінгі тергеу амалдары басталды.