Атырау облысында үлкен шұңқыр пайда болды

Атырау облысы Махамбет ауданындағы далада алып су шұңқыры пайда болды.

Бұл туралы Orda.kz тілшісі хабарлайды.

Тұрғындардың айтуынша, шұңқырдың ені 10 метрден асады, бірақ тереңдігін ешкім білмейді. Бұрын мұндай шұңқыр болмағандықтан, тұрғындарда қорқыныш пайда болған.

Әкімдіктегілердің айтуынша, жер жеке жауапкершілігі шектеулі серіктестікке тиесілі, жақын арада жер бөлімінің қызметкерлері оқиға орнына барып тексереді.

«Иә, біз зерттеу жүргіземіз. Бірақ шұңқыр өздігінен пайда болды. Жақын жерде Бейбарыс ауылы орналасқан» деп хабарлады Orda.kz тілшісіне Махамбет ауданы әкімдігі.

Айта кетейік, қазір бұл аймақ Жайық өзеніндегі су деңгейінің бірнеше метрге көтерілуімен күресуде. Шаруа қожалықтары су астында қалды.