Атырау облысында мемлекетке мүлік қайтарылды

Махамбет ауданының прокуратурасы мемлекетке 38 000 000 теңге болатын мүлікті қайтарып берді.

Талдау  барысында  Бейбарыс ауылдық округінің әкімі "Первомайский" ЖШС-на сенімгерлік басқаруға тендер өткізбей су сорғысы станциясын бергені анықталды.

Шаруашылық жүргізуші субъект Понтондық станцияны мемлекетке зиян келтіре отырып пайдаланған.

"Аудан әкіміне заң бұзушылықтарды жою туралы енгізілген ұсыным арқылы аталған мүлік мемлекетке қайтарылды. Ауылдық округ әкімі мен есепші тәртіптік жауапкершілікке тартылды" деп хабарлады ведомство.