Атырау облысында қамыс өртеніп, қала түтінге тұншықты

Атырау қаласы түтінге оранды, қамыс өртінен 5 гектар жер жанып жатыр, деп хабарлайды Orda.kz.

Облыстың төтенше жағдайлар қызметінің мәліметінше, тілсіз жауға төтеп беру қиынға соғып жатыр. Қазіргі таңда, өрт тұтанған аймаққа 15:15-те МИ-8 тікұшағы ұшты.

«Құрманғазы ауылынан 43 және Зинеден ауылынан 56 шақырым жерде, Каспий теңізі жағалауында батпақты жерде  5 гектар аумақтағы қамыс өртенуде. Өртті сөндіру жердіңм батпақты болып,  автожолдардың болмауына байланысты қиындатып жатыр» делінген хабарламада.

Сонымен қатар, ведомство тұрғындарға қауіп жоқ екенін атап өтті.

Департамент әлеуметтік желілерде тараған қамыс өртінің түтіні Ресейге жетті деген ақпаратты теріске шығарды. Қамыс тұтанған жерден көрші елдің шекарасына дейін 150 шақырым қашықтық бар.