Атырау облысында ауылды еріген қар суы басып қалды

Атырау облысындағы Қызылқоға ауданындағы Мұқыр ауылын еріген қар суы басып қалды.

Бұл туралы AtyrauPress хабарлайды.

«Нөсер жаңбыр мен қардың еруі салдарынан Қызылқоға ауданындағы Мұқыр ауылын су басты. Ал әкімдік  болса үйлерді су басу қаупі жоқ екенін, жағдай бақылауда екенін айтады» делінген хабарламада.

Көшелерді су басқанымен, әкімдіктегілер сендіргендей үйлерде су жоқ. Бұл ретте тұрғындар су тасқынының жыл сайын болатынын айтып шағымданады.

«Көшеде жүру мүмкін емес. Айнала су мен лай. Жаяу жүру немесе көлік жүргізу мүмкін емес. Су өзендей ағып жатқан сияқты» дейді ауыл тұрғындары.

Лас су жиналған көлемді көлшіктер арнайы техниканың көмегімен сорылады.