Атырау облысында  66 жастағы шопан жоғалып кетті

Ер адам екі апта бұрын жоғалып кеткен, ендігі іздеу жұмыстарына құтқарушылар да қосылды.

66 жастағы шопан 27 қаңтарда жоғалып кеткен. Сарықасқа  учаскесінен Құлсары қаласына қарай кетіп, хабарсыз жоғалған. Іздеу жұмыстарына  облыс құтқарушылары да қосылды. «Мой город» хабарлағандай, Атырау облысының ТЖД-не 12 ақпанда жоғалған ер адам туралы хабарлама келіп түскен.

«Ер адам 27 қаңтарда Сарықасқа стансасынан Құлсары қаласына қарай шығып кетіп, күні бүгінге дейін оралмаған. Іздеу жұмыстары Үлкен төбе, Сарықасқа және Бекжал аумақтарында жүргізілді» деп хабарлады ведомствоның баспасөз қызметі.

Шопанды іздеуге оншақты  адам жұмылдырылғаны атап өтілді.