Атырау облысында 100 гектар аумақта қамыс өртеніп жатыр

Елді мекендерге қауіп төніп тұрған жоқ, деп хабарлайды Orda.kz ҚР Төтенше жағдайлар министрлігіне сілтеме жасап.

Өрт Каспий теңізінің жағалауындағы Құрманғазы ауылынан 40 шақырым жерде шыққан. Төтенше жағдайлар министрлігі жақын маңдағы ауыл тұрғындарына қазір қауіп төніп тұрған жоқ деп түсіндірді.

«Сағат 17:57-де жанып жатқан қамысты сөндіруге Құрманғазы аудандық №7 өрт сөндіру бөлімінен, орман шаруашылығынан және жергілікті атқарушы органдардан 36 адам, бес мотопомпа, төрт моторлы қайық қатыстырылды. Өртті сөндіру жалғасуда», - деді құтқарушылар.