Атырау облысының қылмыстық істер жөніндегі мамандандырылған ауданаралық соты облыс әкімінің бұрынғы орынбасары Нұрлан Таубаев пен құрылыс басқармасының бұрынғы басшысы Тимур Басаровқа үкім шығарды, деп хабарлайды Orda.kz.

Сот Нұрлан Таубаевты ҚР ҚК-нің екі бабы: 24-бабы «Қылмысқа дайындалу және қылмысқа оқталу» және 366-бабы «Пара алу» бойынша кінәлі деп таныды. Ол өмір бойына мемлекеттік қызметте қызмет атқару құқығынан және 10 жылға бас бостандығынан айырылды.

Тимур Байсаровты сот осы баптар бойынша кінәлі деп танып, мемлекеттік қызметте қызмет атқару құқығынан өмір бойына айыра отырып, бес жылға бас бостандығын шектеді.

Екі шенеунік те ең төменгі қауіпсіздік колониясында қылмысын өтейді.

Таубаев пен Байсаров 2020 жылдың қыркүйегінде модульдік аурухана құрылысы мердігерінен 182 млн теңге көлемінде пара алды деген күдікпен ұсталды. Прокурор әкімнің орынбасарына 11 жыл колонияны сұрады.

Бөлісіңіз: