Атырау мұнай өңдеу зауытының бас инженері: «Төгілген бензинді қайта өңдейміз»

Атырау мұнай өңдеу зауытының (МӨЗ) бас инженері Нұрлан Есжанов кәсіпорында болған апатқа қатысты пікір білдірді. Оның айтуынша, төгілген бензин қазірдің өзінде сорылып, өңдеуге жіберілген, деп хабарлайды Orda.kz тілшісі.

«Бүгінде Атырау мұнай өңдеу зауыты ҚР Энергетика министрлігі бекіткен өндірістік жоспарға сәйкес қалыпты жұмыс істеп тұр. Майдың ағып жатқанын оператор аралау кезінде анықтады. Кейін анықталғандай, ағып кету бензинді тасымалдайтын құбырда болған. Технологиялық схемадан желі бірден ажыратылды. Қазір ағып кетуді жою және желіні қалпына келтіру бойынша жөндеу жұмыстары жүріп жатыр», - деп түсіндірді Нұрлан Есжанов. 

Ол төгілу көлемі мен аауданы туралы айтты:

«Шамамен ауданы 4-5 шаршы метр, ал көлемі 30-40 тонна. Бұл мұнай өнімі дер кезінде сорылып, қайта өңдеуге жүйеге қайтарылды, сондықтан мұнай өнімдері бойынша ысырап тіркелмеді». 

Бас инженер ластанған жерлерді тазарту жұмыстары жүргізіліп жатқанын қосты. Апаттың себебі әзірге белгісіз, бірақ ағып кеткен жер анықталған.

«Себебін анықтау үшін арнайы комиссия құрылады. Кейін қосымша ақпарат береміз», - деп сендірді Нұрлан Есжанов.

Бұрын хабарланғандай, кәсіпорын аумағында мұнай төгілген.