Атырау-Құлсары тас жолы жүргізушілердің бас ауруына айналды

Атырау-Құлсары тас жолында жөндеу жұмыстары басталысымен асфальт қабаты алынып, жолды жүруге жарамсыз күйде қалдырып кетті, деп хабарлайды Orda.kz тілшісі.

Күн сайын беткі қабаты алынған тас жолмен жүруге мәжбүр болған жүргізушілер үлкен қиындықтарға тап болды. Жаңбыр маусымы басталғалы жағдай ушыға түсті: жол тайғақ, көлік жүргізушілері үшін бұл  өте қауіпті аумаққа айналды. Жергілікті тұрғындар мен жүк тасушылар бұл жолмен жүру мүмкін болмай қалғанын айтып, шенеуніктерден жұмысты тездетуді сұрайды.

«Жол жөндеуді қажет ететінін түсінеміз, бірақ жаңбырлы күзде жолды осыдай күйде қалдыру кімге керек? Ала жаздай қайда қарап отырды?», -  деп ренжиді жолдағы жұрт. 

Жүргізушілер басқа шұңқырға түсіп кетуден немесе сырғанаудан қорқып, тасбақаша қозғалуға мәжбүр.

Күні кеше ғана Мақат ауданындағы Атырау-Құлсары тас жолының 50-ші шақырымында ауыр жол апаты болды. Апат салдарынан төрт адам зардап шекті. Оқиғаға куәгерлердің айтуынша, апат жолдың нашарлығынан болуы әбден мүмкін.

Бұл жағдай тұрғындар арасында наразылық толқынын тудыруда. Адамдар өмірлері мен денсаулығы үшін қауіптенеді, сонымен қатар жөндеу жұмысы қарқынының баяулығына наразылық білдіруде. 

Әзірге биліктің жөндеу жұмыстарын тезірек аяқтаймыз деген уәделері бос сөз болып қалмайды деп үміттенген жүргізушілер шалшықтар мен соқпақтар арасында ерекше маневр жасап жүре тұрмақ.