Атырау әкімі өртте қаза болған үш баланың жақындарына көмектеседі

Атырау облысының әкімі Махамбет Досмұхамбетов өртте қаза тапқан балалардың отбасыларына қаржылай көмек көрсетілетінін айтты.

Бұл туралы Orda.kz өңірлік коммуникациялар қызметіне сілтеме жасап хабарлады.

Досмұхамбетов қаза болғандардың отбасыларына жеделхат жолдады. Онда ол балалардың ата-аналарына көңіл айтты.

- Бұл қорқынышты трагедия тек осы отбасының басындағы қайғы емес, облыстың барлық адамдары қайғыға ортақтасады. Қайтыс болған балалардың отбасыларына Атырау облысының әкімдігі материалдық көмек көрсетеді, - делінген жеделхатта.

Бұған дейін облыстық полиция департаменті балалардың өліміне қатысты ҚР Қылмыстық кодекстің 292-бабы «Өрт қауіпсіздігі талаптарын бұзу» бойынша сотқа дейінгі тергеу басталғанын хабарлаған болатын.

Еске салсақ, Атырау облысының Махамбет ауданында шөп өртеніп, үш бала қайтыс болды. Жанып кеткен пішеннің арасынан 2014 және 2012 жылғы балалардың денелері табылып, сот-медициналық сараптама жүргізу үшін полиция қызметкерлеріне тапсырылды.