Атырау қаласы үшін қаралы болған шілде айы

Шілде айы Атырау қаласының балаларына қауіпті әрі қатерлі болды. Себебі арты өлімге алып келген бірнеше жағдай болды.

Атап айтар болсақ, 4 шілде Жеңіс саябағында қыз бала дұрыс бекітілмеген ескерткіш құлап, қайтыс болды.  Бір аптадан кейін, 10 шілде балабақшада бала құдыққа құлап, төрт күннен кейін көз жұмды. 4 шілде қалалық орталық бассейнде қыз бала суға батып кетті. Ал 26 шілде субұрқақта тағы бір қыз бала сорғы салдарынан қайтыс болды. 27 шілде Қызылқоға ауданының Сағыз ауылында жасөспірім мотоциклмен түйеге соқтығысып, алған жарақаттарынан қайтыс болды. Келесі күні көпқабатты үйлердің бірінен 15 жасар оқушы терезеден секіріп, өз-өзіне қол жұмсады.

«Әрбір іс біздің ерекше бақылауымызда. Қазіргі уақытта қайғылы оқиғаларға себеп болған тұлғаларды анықтау және оларды жауапқа тарту мақсатында шара жүргізілуде. Балалардың қауіпсіздігін қамтамасыз ету мақсатында, бұндай фактілерді болдырмауға және болашақта қайталауға жол бермеуге барлық жағдайлар жасалады», - деді облыс прокуроры Бауыржан Жұмақанов.