«Атырау-Астрахань» пойызындағы бала өлімі бойынша қылмыстық іс қозғалды

«Атырау-Астрахань» пойызындағы 13 жасар баланың өлімі  бойынша қылмыстық іс қозғалды. Бала өлімі себептерін құрылған комиссия анықтауы керек.

Бұл туралы Orda.kz тілшісі хабарлайды.

77 адамнан тұратын топ (төрт кеңесші және 73 бала) Железноводск қаласындағы «Қазақстан геологы» санаторийіне жол тартты. Бала пойыз жөнелтілгеннен кейін 1,5 сағаттан соң өзін нашар сезінгеніне шағымданды.

«Атырау облысы білім басқармасы құзырлы органдармен бірлесе отырып, осы қайғылы оқиғаның барлық мән-жайын тексеретін комиссия құрды. Қазіргі уақытта баланың денесі сот-медициналық сараптамаға жіберіліп, қылмыстық іс қозғалды»деді облыс әкімдігі. 

Білім басқармасы қайтыс болған баланың отбасына барлық қажетті көмек көрсетілетінін қосты.