Атырау қаласының қызметінен босатылған әкімі Оразбаев үндеу жасады

Қайрат Оразбаев әкім қызметінен босатылғаннан кейін Атырау тұрғындарына үндеу жасады. Оразбаев Атыраудағы болған соңғы жағдайлардан кейін әкім қызметінен кетуге өзі өтініш бергенін айтып, қала жұртшылығына алғыс айтты.

– Соңғы оқиғаларға Атырау қаласының әкімі қызметінен босату туралы өтініш бердім, өтініш қабылданды.Қала әкімдігінің қызметкерлерімен және қала жұртшылығымен екі жыл жұмыс істегенім маған көп нәрсені, әсіресе, қарапайым халықтың мұң-мұқтажын қабылдауға үйретті.

– Екі жыл бойы қалада іс жүзінде «тірішілк ету» бюджеті болды, бейберекет және нашар инфрақұрылым мәселелері кездесті. Бүкіл әкімдік ұжымы осы кезеңде жоғары деңгейде қызмет атқарды, кейде тіпті мүмкін емес нәрсені де жасады. Сонымен қатар, азаматтық белсенділерге олардың ұстанымына, талаптарының айқындығына және түсіну, қабылдау, қолдау қабілеті үшін алғыс айтқым келеді. Атырау – менің сүйікті қалам, мен сіздерді жақсы көремін және құрметтеймін, жерлестер! - деді Қайрат Оразбаев.