Атмосфераға тараған шығарындылар

2023 жылы Қазақстандағы барлық стационарлық ластану көздерінен пайда болған шығарындылардың жалпы көлемі 32,3 млн тоннаны құрады, бұл 2022 жылмен салыстырғанда 3,2%-ға аз. Бұл ретте, 2023 жылғы жағдай бойынша Қазақстанда атмосфераға ластаушы заттардың шығарындыларын жүзеге асыратын 259,7 мың кәсіпорын жұмыс істегенін атап өткен жөн, бұл өткен жылмен салыстырғанда 11 мың кәсіпорынға артық.

Бұл туралы Qazstat telegram арнасы хабарлады.

Атмосфералық ауаға ауланғаннан және залалсыздандырылғаннан кейін ластаушы заттар шығарындыларының көлемі 2,2 млн тоннаны құрады, бұл 2022 жылмен салыстырғанда 2,5%-ға аз. Шығарындылардың 88% көзі өнеркәсіп секторына тиесілі.

Шығарындылардың негізгі үлесі Павлодар және Қарағанды облыстарына тиесілі, онда тиісінше 694,2 мың тонна және 454,9 мың тонна ластаушы заттар тіркелген. Шығарындылардың едәуір көлемі Атырау (140 мың тонна), Қостанай (118 мың тонна) және Ақтөбе (112 мың тонна) облыстарында да байқалды.

Атмосфералық ауаға шығарылған ластаушы заттардың жалпы көлемінің 80,7%–ы газ тәрізді және сұйық заттар, 19,3 -ы қатты заттар болды.