Атбасарда эвакуация жарияланып, су тасқынына байланысты дабыл қосылды

Ақмола облысының Атбасар ауданында жергілікті төтенше жағдай жарияланды.

Қарғын су бірнеше көше мен мектепті басты.

Су тасқыны жағдайына байланысты тұрғындарды эвакуациялау басталды. Осы түні Жабай өзенінде тасқын болды.

«Барлық ескерту жүйелері дереу іске қосылды. Тұрғындарды эвакуациялау, сондай-ақ нысандар мен тұрғын үйлерді қорғау шаралары жүргізілуде. Құтқарушылар қазір еріген суды сорып алып жатыр» деп хабарлады облыстың Төтенше жағдайлар департаменті.

Ақмола облысының Журавлев ауылында да бірнеше үйді су басты. Онда еріген судың көп түсуінен Бөксік өзені арнасынан асып кетті.