Атасы мен әжесі емізулі немерелеріне пышақ салмақ болды

Бибіхан есімді ана президент Қасым-Жомарт Тоқаевтан көмек сұрады. Бұрынғы күйеуі, ҰҚК экс-қызметкері және ата-енесі пышақпен қорқытып, баласын алып қашып кеткен, деп хабарлайды Orda.kz.

НеМолчиКЗ қорының мәліметінше Бибіханның экс-күйеуі емізулі қызын ұрлап, жалдамалы пәтерде қашып жүр.

«Құрметті Президент Қасым-Жомарт Тоқаев, Сізге көмек сұрап хат жазып отырмын. Бұрынғы жолдасым, ҰҚК экс-қызметкері, менің ең қымбат дүниемді, сәбиімді тартып алмақшы. Бұрынғы күйеуім мені ұрып-соғып, қорлап, азаптады. Келесі жолы ол мені өлтіруі мүмкін екенін түсіндім. Оның ата-анасы баланы екі рет ұрлап кетті, содан кейін мен баланы Қазақстан бойынша төрт айдан астам уақыт іздедім. Олар мені пышақпен қорқытты», - деді Бибіхан.

Бибіханның айтуынша қайын атасы 3 заңсыз қылмыстық іс қозғады:

• Оған ақша ұрлады; 
• үйге баса көктеп кіріп, қайын атасын ұрды; 
• сонымен қатар, бастапқыда күйеуінің құрбысын ұрып-соғып, кейін қарақшылық шабуылға ұластырды деген жала жабылып жатыр.