Қаңтар оқиғасында айыпталған ақтөбелік 6 миллион моральдық шығын өндірді

Қаңтардағы тәртіпсіздіктерді ұйымдастырды деген айыппен тергеу изоляторында бір жылдан астам отырған азаматты сот ақтады.

Ақтөбелік азамат бір жылдан астам сотты күтіп, темір тордың ар жағында отырды. «Диапазон» басылымы оған және тағы 17 адамға Қантарадағы тәртіпсіздіктерді ұйымдастырды және оған қатысты деген айып тағылғанын жазады. 

1 ақпанда мамандандырылған сотта атышулы іс бойынша үкім шықты. Нұрсұлтан Исаев ең ұзақ мерзімге – 15 жылға бас бостандығынан айырылды. Ол облыстық әкімшілік алдындағы алаңда көлікте отырған екі адамды қағып кеткен. Сегіз адам шартты түрде бас бостандығынан айырылды, тағы бірнеше айыпталушы сотталды, бірақ тергеу изоляторында жазасын өтеуіне байланысты босатылды. 18 адамның ішінде қылмыстық іс бойынша екі айыпталушы Ернұр Әжниязов пен Асланбек Омаровты ғана сот толық ақтады.

Осындай үкімнен кейін Әжниязов мемлекетке қарсы шағым түсіріп, моральдық шығын үшін 30 миллион теңге  талап етті. Ол заңсыз қылмыстық қудалау,а ұшырағаны үшін моральдық жарақат алғанын мәлімдеді. Ақтөбе қалалық соты қамауға алынғанға дейін талапкердің адалдығы мен беделі болғанымен келіскен. Жоғары білімді, көлік жөндеумен айналысқан, төрт бала тәрбиелеп өсірген. Ал қамауға алынғаннан кейін оның қарт ата-анасы отбасын зейнетақымен асырауға мәжбүр болған. Сонымен қатар, тергеу изоляторында отырғн уақытта Әжниязовтың денсаулығы нашарлаған. Сот Әжниязовтың 1 жыл 24 тәулікке заңсыз қамауға алынғанын ескерді.

Нәтижесінде судья Қаржы министрлігін Ернұр Әжниязовқа мемлекет бюджетінен моральдық шығын үшін 5 миллион теңге және адвокаттардың қызметі үшін тағы бір миллион теңге төлеуге міндеттеді. Аталған  алты миллион салық төлеушілердің ақшасынан төленеді.